samedi 3 avril 2010

هي... و هي

هي: ماذا بيّ نهارنفهمك، بالله أحكيلى شنوما هالأولويّات إلّى تحكي عليهم
هي: نحب لفوياجات برشة، لفلوس إلّى بش نحطها في ميكرواوند ولّا ماشين أليفى ولّا تلفزة ولّا كرهبة و ما خالفه من سلعة تفسد و تتلوّح نفضّل نلمهم نسافر بيهم خير، نحوّسّ نشوف العالم لعباد، نتمنّى ذاكرتى ما تفسدش و بلقليلة الذكريات هاذى تقعد
هي : معاك، عندك الحق، ما هومش حاجات إجبارية أمّا ماك تعرف كيف يبدا عندك صغار بين تسخين البيبرونات و 3 ماكينات صابون تعملهم في النهار و هزّان و جيبان للمكتب، عذاب، هالحاجات الزايدة تولّى تعاون في تحسين عيشتنا
هي: هههه، مسكينة:) أنا بصراحة ما حاشتي بصغار، السماح، وين تحكيلي هكّة نترعب و نقول لواه، أهيكة لعباد الكل تجيب في الصغار، خلّيني رابحة راحتي
هي: وحّلتها في راسي؟ لا يالّ، شمدخّلني، أنا موش مسؤولة، أمورك، تحمّل مسؤوليتك، باش ناخو موقف، جيب صغار كيما النّاس الكل، و أهوك كيما  النّاس و أقل من  النّاس و خير من  النّاس
هي: أيوه هو شنوة هردنا، لا ياللّ قلّك بيبرونات و 3 ماكينات في النهار، و أمبوتياج و هاو ولدك ضرب ولد المعلمة و إيجاها ملّوط، دبّر على روحك، آش لزّنى أنا 
هي: أي ما تنساش لحديد زادة، والدوفوارات و هاو مرض و فاكسانات و طبة، أمّا جو شايخين
هي: أخطاني، حياتى هكّه باهية، نزيد نعيشها شويّة، كيف نبيّل و نفد مالحرية، نستبنى وليّد ولّا بنيّة من 5 سنين ف ما فوق، بالله سؤال حيّرني : لحديد لواه؟ ت صغار ديما اممرمدين زايد تحديد الدبش، على العينين تقول إنت؟
هي: ههههه،  أعمل حتّى زويّز صغيرات تو تفهم لواه
هي: أووه، أنا لعصب ما انّجموش، يجعلنى نقوم بروحي،أمّا نخمم بالحق بش نستبنى، شقولك؟ ديما يقولو إلّى الصغار إلى يفوتو ال 5 سنين ما عادش يستبناوهم لعباد، مساكن بصراحة يحممو إل قلب، عاد ناخذ واحد ولاّ ثنين نربح فيهم ثواب، ت معناها
هي: تظهرلي صعيبة لحكاية، التنشئة الإجتماعية متاع الصغار المستبنيين لازمها برشة خدمة، و زادة لازمك تبدا مار تريزا
هي: اننجم نجيب صغار، ساهلة العمليّة، أمّا لواه نعمل كيما النّاس الكل، 
هي: امرجتنى، اي شبيه مو اعمل كيما الناس الكل، علاش ديما تفركس بش ما تعملش كيما النّاس الكل، رد بالك، فدلك فدلك، ممكن تكون غالطة 
على طول الخط،
 برّ برك، تحب وليّد ولّا بنيّة؟ سمرا ولّا بلوندا؟ في كل الحالات لازمك تلقى فارس الأحلام قبل
هي: ما نعرفش، كيف كيف، ممكن بنيّة، سمرا خير، لبلوندات منعوتين بالبهامة، استنّى السّاعة، 
ولواه الرّاجل، هتو نشري دبّوسة و برّة، تختار بالكتلوق
هي: :علاه؟ تنجم تلقى واحد باهي يطيّب، ينظّف، يحدّد، يتلهى بالصغار، ما يحبّش الكورة، ما يقعدش في القهوة، يحبّك برشة برشة ، يقول كان كلام حلو و يهديلك النّوّار مالفوق، ههههههه
هي: زعمة؟ نسيت حاجة مهمّة ياسر ذكي ومتثقّف، نحبّو يبدا يحدّد و يحكيلي على سبينوزا
هي: هههههه، ملّا فنتازم، فيق على روحك وين بش تلقاه هاذاي، في بالي بيك رزينة و بعقلك و عايشة في الواقع موش فى الخيال الواسع
هي:  زعمة؟ ما ثمّاش؟ دوماج
هي: هو كل شي ممكن، سبحانو، على كل شيء قدير
 بون، آش بش نعمل، ممكن فمّ حاجات اننجّم نتنازل عليها
هي: ايوه هانا جيناها، يظهرلى فيك إلى مشكلتك إنك ما تراش علاقة متاع مستقبل، تخمّم كان في الوقت الحاضر
هي: علاه؟ أنا الحق تو ما عادش نخمّم في الموضوع هاذا، كنت في وقت من الأوقات أمّا المهم تو بالنسبة ليّ هو مستقبلي المهني و كيفاش نخطّط إل مستقبلي وحدي
هي: ستوب ستوب، علاه هالكلام
هي: على خاطر هاذاك الواقع، موش قتلي فيق، نرا الواقع و نعمل بيه، مانيش بش نقعد نفونتازمى على فارس الأحلام
هي: أي باهى أمّا ما فيها باس كان تخطيطك يخلّى مكان إل علاقة جدّية
هي: أوكي، كان جا نعملّو بلاصة، أمّا ما نخليش بلاصة فارغة و بالوقت تكبر و ترصّيلي نقاسي فيها
هي: أعمل برامجك على روحك أمّا كان نهار تتعرّف على واحد مالازمكش تبدا كيما العوانس، جاك على غفلة و ما نجّمتش تتعامل معاه، لازمك تكون واقعيّة أمّا ايجابية، حياتك العاطفية مهمّة لازمك تتلهى بيها
هي: علاه؟
هي: بش تكون سعيدة
هي:علاه؟ ما نحقق السعادة كان بالعرس؟ فكرة مسبقة إنّو ما نجمو نكونو سعداء كان كيف نبداو اثنين، علاه اثنين و موش ثلاثة؟ شكون حدّد الرّقم؟
هي: ممكن
هي: و خاصّة بالنسبة لنساء، ونسمّيوهم بايرة و عانس، شنوة المذكر متاعهم الكلمتين هاذم؟
هي: شيهمنا فى الأسامى، تعرفني موش نحكي على هذا
هي: إل أسامي هاذي تعني إلّى لمرا إلّى ما يخذهاش راجل ما تسوا شي، تستمد قيمتها برضاء الرّاجل عليها مهما كان أقل منها، والعكس غير صحيح هذاك علاش ما ثمّاش مذكّر
هي: هاذي ميزوجينيا اجتماعية موش هذا الموضوع، أنا عليك إنت، ممكن تو ما حاجتكش براجل، أمّا بعد عشرة ولّا خمستاش ان سنا...
هي: علاش لازمني راجل واحد لل 40 سنا الجايين؟
 هي: ممكن أسهل تو بش تلقى شكون
هي: معناها لازمنى ضمان لل 15 سنا  الجايين ؟
هي: لا، نقصد إلّى إذا كان تلقى شكون تعيش أسعد
هي: برشة معرسين و حياتهم تعيسة جدّا
هي: و برشة لا، خسارة تقعد وحدك
هي: علاش بالنسبة لينا السعادة مربوطة اب عبد آخر، علاش ما نجّمش نعيش وحدي، نبرمج حياتى، نقرّر وحدي كان نحب نجيب صغار و إلّا كان نحب نستبنى صغار، 
هي:
...
هي: الأصعب هو كونى نعمل هاذا الكل وحدي لكن أرتح، إلّى نرفضو هو كوني ناخذ إلى يجي بش ما يقولوش عليّ بايرة و بش نعمل كوفرتور اجتماعية
نحب نعيش حرّة
هي: تعيش أسعد معرسة، و إلّا لا، المهم موش وحدك
هي: هاذي فكرة اتأصلت فينا ملّى سماعنا إب بونا آدم و أمنا حوّاء، ولّينا ما نحققو شخصيتنا إلّا عن طريق الرّاجل ولّا لمرا، نراو رواحنا ثنين فى عوض واحد
أخطر حاجة هو إنّنا نختارو شريك الحياة على خاطرنا محتاجينلو مهما كانت الحاجة مادّية، عاطفية، جنسية ولّا اجتماعيّة
هي: آآآآه كسّرتلى راسي، يا بنتي أنا على خاطرك راهو، دبّر   
راسك، آش لزنى حتى أنا ماهو إلّى يشتهي شهوة
 يعملها فى عشاه
خلّينى نمشي نروّح بولدي مالمكتب ما انحبّش نبطى عليه
هي: استنّى نقلّك
...
هي: غدوة غدوة ولّا تو نطلبك في الليل، ماك تعرف الأولويّات
...


6 commentaires:

  1. Certaines transforment un célibat subi en un célibat choisi... Cela a un goût de misandrie.
    Faudrait tjs positiver...profiter de la vie qq soit sa situation et assumer ses choix

    joli dialogue sinon...je suis plutôt d'accord avec ELLE :)

    RépondreSupprimer
  2. ok, tu veux dire que "quelques unes" (certaines) ne trouvent pas la bonne personne ou plus exactement ne tombent pas amoureuse ou si elles tombent amoureuses leurs histoires d'amour ne se terminent pas par une relation durable, alors elle choisissent de rester seules ? Quoi de plus normal dans ce cas là. Qu'est ce qui est meilleure un célibat choisi ou un mariage subi ? Quand on a le choix, je crois que la seule chose à faire c'est de choisir et de ne pas subir. Parce qu'un célibat est rarement subi, chez nous c'est très facile de se marier quand on fait certaines concessions, je peux raconter un cas différent tous les jours, j'en entend de ces histoires.
    Pourquoi certaines ? Parce que je parle de "elle" et "Elle" ou parce que le célibat subit ne s'applique qu'à elles ?

    Aveu : ce dialogue est une conversation réelle avec quelques modifications de forme et non pas de contenu. Merci à elle et à ELLE :)

    RépondreSupprimer
  3. Lol, j'ai adoré cet échange plein d'humour et de sérieux à la fois, pour contribuer à cette "discussion", je crois qu'en Tunisie, c'est presque impossible pour une femme de vivre sans homme et sans mariage, les cas sont trop nombreux de femmes qui se retrouvent à la marge de la société ç cause de leur célibat (choisi ou forcé), c'est donc aux femmes de décider si l'expérience vaut la peine d'être vécue et si on peut échanger les emmerdes de la société contre un épanouissement personnel sans mariage...

    RépondreSupprimer
  4. Entre le célibat et le mariage il y a un petit raccourci... Un raisonnement qui s'inscrit ds une logique déterministe qui associe automatiquement le mariage a tte vie de couple.
    Personnellement je préfère parler du couple.
    OUI on peut être libre de concevoir sa vie comme on veut ( tte seule) et la Societe devrait s'adapter en conséquence a ce choix mais je préfère faire l'éloge du couple contre le célibat... de la vie a deux...de la rencontre des sexes opposes...de la complicité des êtres...du partage des charges...des hauts et des bas au quotidien...c bien plus beau et POSSIBLE je trouve :)

    RépondreSupprimer
  5. @Arabasta : Depuis quand les femmes décident ? En Tunisie, comme dans toutes les sociétés "conservatrices" les femmes ne décident pas. Je parle ici des femmes non pas des mères. Chez nous, la femme ne devient être humain respectable qu'après être devenue mère car ses activités sexuelles sont négligées au profit de l'instinct maternel beaucoup plus noble, enfin, c'est ce que pense la société. Choisir de rester célibataire en Tunisie est vraiment un combat de tous les jours, on opprime la femme mariée parce qu'elle est mariée, elle appartient donc à un homme et on opprime la femme célibataire ou parce qu'elle refuse de se soumettre à un homme (quand c un célibat choisi) ou parce qu'elle n'est pas désirée par un homme (quand c un célibat subi). Le problème majeur à mon avis est qu'on ne considère pas la femme comme un être humain à part entière.
    @Dovitch
    Je parle du mariage pour parler de la vie à deux puisque mon blog s'adresse aux Tunisiens et qu'une grande partie d'entre eux pensent couple=mariage sinon c haram, et même à ça mon compte facebook a été désactivé, donc ça ne sert à rien de ménager qui que ce soit :)
    Quand la rencontre se fait oui je suis d'accord, sinon, il y a d'autres façons de vivre aussi. Regarde ça, c rigolo et ça se passe à peu près comme ça :
    http://www.facebook.com/video/video.php?v=379556209472&ref=mf

    RépondreSupprimer
  6. En fait 3amcha je parlais de certaines femmes (peu nombreuses certes, mais qui ont fait le choix, j'en connais au moins deux dans ma famille) qui ont refusé le mariage, qui galèrent à cause de cette société qui les rejettent mais qui malgré tout assument leur choix et continuent contre vents et marées. C'est grâce à ces femmes courageuses que la société pourrait un jour changer de regard...

    RépondreSupprimer