mardi 24 août 2010

هل أتاك حديث السبيطار ـ الحلقة الثانية


كل شي وارد معناها

- كل شي مل لمرا : واحد على واحد تلقاه عندو مرتو و عندو صاحبو، و صاحبو هذاك تلقاه مدروبلو في مرتو، كل مرة إبينلها حاجة، كل مرة حاجة كاني بنت أصل تجبد روحها و تجبد راجلها. ما تقولش راهو بيه و عليه، أما تقولو راني ما هضمتوش، ما جاش على بالي، مانيش مرتاحتلو، و فم إلي تحاول تتقرب منو، وينو فلان، هيا نمشيو بحذ فلان، هيا نعملو قهوة مع فلان، بالنسبة للمرا، لمرا هي الفتنة، أكبر فتنة في الدنيا هي لمرا، حط في بالك، مذكورة في القرأن، الراجل مهما تكون صفتو راهو يدور يدور يدور و يرجع يبات بحذ مرتو و صغارو، و الراجل يدور يدور، يعمل، و يجي يخسر عليها دوش، شوية صابون، يخرج هك يعمل، أما لمرا هذيك تدور تدور، تقعد ديمة مرنخة و تجي ترقد مع راجلها

- اللطف...، هو باهي الحوار، الواحد...

- أيه، عاد شبيه، لمرا معناها ... يقلك ساعة ساعة، الناس لكبار كيف إفدلكو، يقلك ياخي هذا ولدك، يقلك والله كان صدقت أمو (ضحك)، ما يقولوش كان صدق بوه

- امالا، الحل و الربط بيدها هي

- الحل و الربط بيدها هي

- أي، زادة، فم حاجة ما تنسهاش، إنت كان بش تدخل ملول، مع مرتك، ولا مع لمرا إلي بش تاخذها، بش تدخل

- أي، زادة، فم حاجة ما تنسهاش، إنت كان بش تدخل ملول، مع مرتك، ولا مع لمرا إلي بش تاخذها، بش تدخل بالدوانة، و تخمم إلي هي باش ت... عليك نهار من النهارات، الثقة تنعدم، ما عادش

- لا، موش هذا، ما تخممش إلي هي باش ت... عليك، ولا باش تعمل ولا ما تعملش، الواحد يعرف مرتو، الثقة هذيك صعيب، ما هاش ضربة وحدة، الثقة بصراحة ما نسيبهاش، بصراحة مرا راهي، الواحد ما يسيبهاش ضربة وحدة، و الشك، معناها موش باش ينحي الشك من راسو جملة، الراجل راهو ديمة عندو حويجة في راسو، مهما تكون الصفة و ما يسيبش الماء على البطيخ
- لا هك و لا هك
- الواحد ما يسيبش، والبنت أصل بنت أصل، المحترمة و بنت أصل، بلحرام و كان إتحوطها في كازرنة، و إلي تحب تعمل تعمل، حتى كان تربطها موش بالسلاسل، حتى كان تحطلها شرلية في متاعها، زايد...

4 commentaires:

  1. وما خفي كان أعظم..
    زيد اتحفنا يا عمشة بالقول السديد في المرأة والرجل البليد

    RépondreSupprimer
  2. كلام هذا طول عمري نسمعوا، المرا هي سبب البلا...الحقيقة أنا كراجل مغدرتش صاحبتي أما تغدرت برشة مرات، المشكلة ميهاش في المرا خاطر عرفت بنات موش توانسة أما المشكلة هي بالاساس في البنات إتوانسة الأغلبية غدارة وكذابة ومتربين على المسلسلات المكسيكية والتركية كي يلقاو واحد راجل يعفسو عليه أما بنات أوروبا حكاية أخرى جملة أغلبيتهم عندهم الصدق والحب الصحيح و- وقتلي معادش عينها بيك تجيك تقولهالك في وجهك موش تلعبها طايحة في حبك دربني وهي مصوحبة عليك كما التوانسة يعملوا، أنا منيش زغير ومجرب برشة صدقني منيش ضد المرا أما ضد المرا التونسية إلي واللات بش ادبر خدمة تحزق ترمتها مع شوية تملهيط

    RépondreSupprimer
  3. بالضبط المرا التونسيّة ولات شلاكة مالبريمة يا آنونيم..برافو

    RépondreSupprimer
  4. @Conformiste : y en a encore pour deux épisodes :)
    @Anonyme 1 et 2: Tout ce que tu dis est vrai et j'en ai écrit des posts dans ce sens. Mais, je considère que le problème de la femme tunisienne est celui de la société tunisienne, la femme n,est qu'un produit de celle-ci. On ne peut pas demander aux femmes d'être sincères dans une société où on ne sait même pas ce que ça veut dire, les Tunisiennes sont menteuses, profiteuses et allumeuses mais je pense qu'elles ne font que s'adapter aux hommes tunisiens et aux exigences sociales de manière générale.

    RépondreSupprimer