vendredi 15 janvier 2010

ما تصح الصدقة إلّى ما تززّى إمّالى الدار؟


عندي 9 سنين نسكن في الكيبيك، هالمدّة بطّالة، نفركس في خدمة أمّا ما لقيتيش، شوية كريز على شوية راسيزم، ليّ 6 شهور قاعدة
فى السنين إلّى فاتت الكل عمري ماحسّيت روحي قريبة لل قباقبة، باردين كطقسهم، أندفدويلست، يصيرش زلزال، كل فول لاهي في نوّارو، تعيش هوني وحدك، كل شي مبني على الإنتاجية، أنا أنتج إذا أنا موجود، ليّ 6 أشهر ما ننتجش، معناها موش موجودة في المجتمع هذا
اليومة الصباح ـ أنا راقدة الحق، ماو تعرفو أوّل سامبتوم متاع لبطالة هو النوم ـ ضرب التلفون، جاتني خدمة استعجالية، قلت خلّى ننتج شوية و نحس بوجودي هالأيّمات
 الخدمة متاع جمعة هكّاكة، بش نجاوب على تلفونات لعباد إلّى تحب تعطي فلوس إل هايتى، ضميري عذّبني، قلت بش نسترزق من مصايب لعباد،أكبر حتى من مصيبة، مأساة، موتى، حيين كيف الموتى، جوع، مرض، لبلاد الكل بركت، شي فعلا يحزّن القلب و المخ، قلت ممكن إلّى بش نخدمو ينفعهم حتّى شوية
هزّيت روحي، خذيت المترو ـ كيما الخدّامة الكل، ماحلاه الوجود ـ وصلت لسّنتر، أنا دخلت نلقى صالة كبيييرة، فيها أقل حاجة 30 بشر كل واحد شادد بوست، عطاوني بلاصة، كاسك و اوردينتورـ ذبت في البيزاج ـ أنا حطّيت الكاسك و التلفون بدا يضرب، 7 سوايع النفس لا، نحكيلكم على أربعة ما نسيتهومش
ـ مرا و راجل كبار في لعمر، ممكن يقراو شوية وبرة على خاطر شيحولي ريقي و أنا نفهّم فيهم وين يلقاو نمرو الكارطة و تاريخ نهايتها، بعد ما نجمو يعطيوني المعلومات الصحيحة وهوما واحد يعدّى في التلفون للّاخر سهلتهم قدّاش بش يعطيو، قالو 350$ (دخت ـ لي 6 شهور بطّالة راهو، وهوما أكيد متقاعدين و تتسمّى تفتوفة باهية بالنسبة ليهم)
ـ مرا عطات 365$، تعجّبت مالدقة متاع لعدد، سهلتها، كل عام، وكل نهار في هاكالعام تحط دولار على جنب، آخر العام تعطيه لجمعية خيرية، أمّا الزلزال ضرب أوّل العام، ما عندهاش فلوس، زادت في المارج متاع لكريدي ـ معناها تسلفت فلوس بل لنتريس ـ وبش تلمهم بالدولار بالدولار على طول العام
ـ راجل عطى 200$، عدّالى مرتو عطات 200$، عدّاتلي بنتهم عطات 50$، زادت عدّاتلى خوها عطا خمسين دولار
ـ مرا طردوها مل خدمة، راجلها لحق عليها، مكتئبين الزوز، كيف راو إلى صار في هايتي حمدو ربّى على الصحة و عطاو 300
ـ مرا تكلّم فيّ و تتفرّج في التلفزة و تبكى بالشهقة:  500 
أقل حاجة عملت 30 ألف دولار، السنتر محلول24/24

حلّوه بش يعاونو المراكز لخرين متاع الهلال الأحمر على خاطرهم عملو بوق جنرال، وقفو الكل من جرة الكمية المهولة متاع التلفونات
حاجة أخرى: لعباد تسهل شنوة بش يعملو بالفلوس، وقتاش بش يوصلو إل غادى، مهتمّين معناها موش تطيير ملام و برّة

ما نيش نحكي على عباد إلّى عطاو ألف و ألفين و 3 لاف دولار، هاذوكم لاباس عليهم، ينجمو يعطيو، إلّى بهّتنى هوما لعباد المتواضعة إلى نحّات من روحها بش تعطى لّلى فقدو حتى الإحساس بإنسانيتهم، هام طلعو موش باردين و موش أنانيين و يحسو بغيرهم، هاي الفكرة إلّى تصنعت عندي لمدة 9  سنين تبدلت كلّيا، حسّيت بالسعادة إنّى نعيش في المجتمع هذا مع لعباد هاذم إلّى قيمة الإنسان عندهم أهم قيمة



لحكاية هاذي مسّيتنى و خلّاتنى نخمم، علاش لعباد هاذم يساندو المنكوبيين فى هايتى أمّا ما يساندوش البطّالة فى بلادهم، علاش ينحّيو من رواحهم و يعطيو على أساس التصاور متاع التلفزة و كيف تطيح قدّامهم في الشارع حتى حد ما يغزرلك، علاش أكره ما يكرهو هوما السكان الأصليين متاع أمريكيا (الهنود الحمر) ويخلّيوهم يغرقو فى للكول و المخدرات ؟؟؟
علاش ما تعيش معاهم إلّا ما تكون منتج و عنصر فاعل اقتصاديّا و ما يهزّوكش كان طاحت بيك، كيفاش ننجمو نفسرو الفنومان هذا؟

8 commentaires:

  1. هاك رجعت للتدوين، ممتاز، القبقوبيين موش باردين، هوما شوية انترافيرتي في غالبهم، يعني كان انترجمها لتونسي اتجي تقريبا "غرزة ميته"، والاهم انهم بهايم كيف برشة غيرهم يعلفو و يعلفو الاعلام الرسمي المشري المبيوع التجاري المتحامل العنصري والي يبيعلك ديما حاجة فاسدة، كيف الاعلام الرسمي الكل شرقيا او غربيا.. اذا المرة هذه الاعلام يساعد منكوبين، باهي، على الاقل يصلح لحاجة

    اما البطالة تعمل :)))

    وكان تعمل شوية تدوين على موضوع السكان الاصليين الي حكيت عليهم، تكون حاجة باهية ياسر

    RépondreSupprimer
  2. Merci de préciser que le je utilisé dans le post n'est pas celui de l'auteur du blog, cela évitera des amalgames. Pour la réaction des gens, cela m'a touché de lire ce témoignage. Des pauvres pauvres, ou presque donnent autant. Aussi belle et généreuse soit-elle, cette action traduit une volonté de se dissocier des vrais pauvres. En donnant aux pauvres, on se réconforte. On se dit qu'on a aidé des nécessiteux catastrophés. Mais cela cache également un sentiment d'expiation. Il s'agit de payer pour extirper la pauvreté hors de soi-même. Si je donne au pauvre, c'est que je ne le suis pas. Surtout quand ce pauvre là est l'Autre, le Noir, d'où le paternalisme du vrai faux pauvre nord américain. Bref, tout ceci pour dire que c'est une action louable certes, mais elle ne fait que dévoiler les contradictions de l'être face aux propres maux de sa société, entre autres face au problème autochtone.

    RépondreSupprimer
  3. @Alaa
    Effectivement, je ne l'ai pas précisé, j'ai cru que la séparation des paragraphes était capable de le souligné, mais non. Oui, ce n'est pas mon histoire, c celle de mon amie. On se sent moins pauvre quand on donne aux pauvres, c clair, une dame l'a dit, elle s'estime heureuse d'être en santé même si son mari et elle ont perdu leur travail. J'ai l'impression aussi que l'image télé et bien plus forte que l'image réelle.
    @Ferrrr
    D'accord, je vais penser à un post sur l'image des autochtones dans la société québécoise d'après ce que je vois et non pas d'après les multiples études qui se font ici sur le sujet (fortement subventionnés : le sentiment de culpabilité sûrement).
    Merci de votre passage, au plaisir de vous lire, toujours:)

    RépondreSupprimer
  4. bonjour 3amcha

    aujourd'hui "ennefha" mte3 les blog est revenue :-) et je tombe sur ton billet que j'ai aimé
    au plaisir de te-relire
    :-)

    RépondreSupprimer
  5. Merci votairien, marhbé bik fi kol wa9t, au plaisir de te lire également :)

    RépondreSupprimer
  6. Rja3t tekteb .... andek 9 snin fi quebec .... hein 9 snin? trah I7seb :)

    RépondreSupprimer
  7. J'ai bien expliqué, dans les commentaires, que ce n'était pas mon histoire, ça ne fait pas 9 ans que je suis au Québec, je ne sais pas pk cette information devrait avoir de l'importance !!!

    RépondreSupprimer
  8. moi je pense que les etres humains sont un peu les memes a travers le monde peu importes les pays...Les quebecois sont prisonniers du systemes qu ils se sont cree. Ils ont de la compassion, ils sont aussi chaleureux qu ailleurs au monde mais 'el intajia' ne le laisse pas le temps de faire autre chose.Le systeme economique les oblige a etre de la sorte. Pas le choix c est une question de vie ou de mort. D existence comme tu le soulignes ! Pas le temps pour la compassion. Le temps c est d ela production et la production c est faire partie de cette societe...La tele et les images projetee par les medias pendant les temps de relaxation font que les gens se souviennent de leur condition humaine et se retrouve en dehors du systemespour quelques instants !!!

    RépondreSupprimer